დახმარება საკვებით სიღნაღის მიუსაფარი და მატილდას მიკედლებული ცხოველებისთვის

მე ვარ მატილდა მირზოევი მცხოვრები ქ. სიღნაღში, ც.დადიანის ქ.1-ში. ბავშვობიდან მიყვარს ცხოველები, ყოველთვის მყავდა და მყავს უამრავი ცუგა. ძირითადად ჩემს ყურადღებას იქცევენ ქუჩის ე.წ.მეტისები, ავანდმყოფი ცუგები. ისინი მომყავს სახლში და ვეხმარები განკურნებაში, არაერთი ცუგა მომირჩენია. ფაქტიურად ჩვენს რაიონში, ვინაიდან არანაირი ორგანიზაცია და საშუალება არ არსებობს ცხოველების მოვლა-პატრონობის, თამამად ვიტყვი რომ უმეტესობა ჩემი მისახედი და გამოსაკვები ხდება. ქუჩის მიუსაფრები გადამყავს თბილისში და ვასტერილებ, რათა აღარ გამრავლდნენ. პირადად ჩემს საცხოვრებელ სახლში ამ წუთას მიკედლებული მყავს 25 ცუგა (ხალხისგან დევნილები), რომლების ბედიც ნაგავსაყრელი უნდა ყოფილიყო და 6 კატა...ვიცავ მათ უფლებებს და მათი დაცვისთვის ხშირად გავმხდარვარ ბულინგის მსხვერპლიც და ფიზიკური დაზიანებებიც არაერთხელ მიმიღია. იმდენად ბევრი ცხოველი მომიქუჩდა ჩემს საცხოვრებელ ბინაში, რომ ადგილობრივები ,,მატილდას თავშესაფარს" ეძახიან ჩემს სახლს. გარდა ამისა, გარეთ გასვლისას, ქუჩაში წინ შემხვედრი უმწეოდ დარჩენილი ცუგებიც ჩემგან ელიან ნუგეშს და საკვებს. ყოველთვის ვცდილობ შეძლებისდაგვარად მათ გამოკვებასაც და დახმარებას. ქვეყანაში არსებული მდგომარეობიდან გამომდინარე დავრჩი უმუშევარი და ვარ პენსიონერი, დედის სინაბარა ჩემს 2 არასრულწლოვან შვილთან ერთად და ამდენ ცუგასთან, რომლებიც შვილებივით მიყვარს და ვდარდობ მათ მდგომარეობაზე. ჩემი 24 საათიანი ფიქრია როგორმე გამოვკვებო ამდენი მიუსაფარი ცხოველი. გთხოვთ განიხილოთ და გაითვალისწინოთ ჩემი მდგომარეობა და დამეხმაროთ საკვებით, რათა შევძლო ცუგების გამოკვება, რომ ოდნავ მაინც შევუმსუბუქო ის ყოფა, რომელშიც ისენი არიან ჩავარდნილები. ქალაქი ცარიელია, რესტორნები დაკეტილი, ტურისტები აღარაა, თვით ნაგვის ურნებიც კი დაცარიელდა, ადგილობრივებს კი მათი ბედი ნაკლებად ადარდებთ. პირიქით მათ მოშორებას მოითხოვენ, რაშიც მე ვუშლი ხელს და ვბრძოლობ და ვიბრძოლებ მათი კეთილდღეობისთვის, სრულიად მარტო ჩემს არასრულწლოვან შვილთან, მარიამ ჯალიაშვილთან, ერთად. 

ფონდი ”საქართველოს მეგობრები” თანხას აგროვებს საკვებზე სიღნაღში მცხოვრებ ცხოველებისთვის და ქალბატონ მატილდას ცუგებისთვის. შეგროვილი თანხა, 200 ლარის ოდენობით, დაიხარჯება ძაღლის საკვებზე, რომელიც შემდგომში გადაეცემა ქალბატონ მატილდას. ანგარიში წარმოდგენილი იქნება როგორც ფოტო, ასევე ვიდეო მასალების სახით.

გთხოვთ მხარი დაგვიჭიროთ! თუ ფინანსურად არ შეგიძლიათ დახმარება, უბრალოდ განათავსეთ ამ პროექტის ბმული თქვენს სოც. ქსელებში. ამისათვის მადლობელი ვიქნებით!

ყურადღება!

10 ლარის და ზემოთ შემოწირულობის შეტანაზე შეგიძლიათ აირჩიოთ სასაჩუქრე სუვენირი ჩვენს საიტზე.